Paraguay
6.228 ogayguakuéra ohupyty hikuái hóga pyahu ary 2024 pahápe

Agencia IP.- Ary 2024 oñemboty 6.228 óga ñeme’ẽ agosto 2023 guive, he’iháicha Ministerio de Urbanismo, Vivienda y Hábitat (MUVH). Upéicha, oñemba’apo kuri oñeme’ẽ hag̃ua 23.732 óga ñane retã pukukuépe.
MUVH Motenondehára, Juan Carlos Baruja ha Mburuvichavetẽ Santiago Peña oho hikuái ohecha hag̃ua avarekoha 24 de Abril Villa del Maestro-pe, táva Coronel Oviedo-pe.
Upépe, oñembyaty 11 ogayguakuéra oñeme’ẽva óga ndive, ha avei oho 13 ogayguakuéra oñeme’ẽva viru omoporãve hag̃ua hóga.
«Ndaikatúikuri ndajavy’ái ahechávo umi tapicha hasẽva vy’ápe. Aime seguro yma ohasa’asýgui, ha rohechávo upéva oñemoambuéva tuichaiterei oréve g̃uarã. Roipota hetave tapicha oreko calidad de vida iporãvéva», he’i Mburuvichavetẽ Santiago Peña oguahẽvo Perla rógape, Paz sy, ko’ágã orekóva peteĩ óga oñemohenda porãvéva iremikotevẽme.
Jasy diciembre-pe, MUVH ome’ẽ óga avarekoha ñande ypykuéraperã ha umi oikóva ñane retã ryepýpe g̃uarã, ohasáva umi 650 óga oñeme’ẽva Fondo de Vivienda Social (Fonavis) rupive.
-
Notas5 días hace
Meta advierte sobre estafas “románticas” con IA por San Valentín
-
Internacionales2 semanas hace
Astrónomos alertan sobre un asteroide que podría colisionar con la Tierra
-
Paraguay7 días hace
Entregan medicamentos e insumos a Canindeyú y San Pedro por más de G. 6.000 millones
-
Paraguay1 semana hace
Kuñanguéra ikatúma ojerure iturno-rã ojejapoka hag̃ua PAP ha mamografía Paraguaýpe