Reikuaáke mba’éichapa umi mba’yruguata omba’apóta Arapokõindy Marangatúme

Dirección Nacional de Transporte (Dinatran) oikuaauka mba’éichapa umi mba’yruguata ohóva ag̃ui ha mombyry omba’apóta Arapokõindy Marangatúme.

Ko’ã oñepyrũta 12:00 aravo ko Miércoles Santo guive, 12:00 aravo Lunes de Pascua peve, he’iháicha Resolución Nº 292/2024 Dinatran rehegua.

Ndojupimo’ãi pasaje repy 

Dinatran he’i ndojupimo’ãi pasaje repy, ha umi empresa kuéra okobra arã mba’erepy teetéva, he’iháicha Decreto Nº 876/2023.

Ojeguerovia 450.000 yvypóra oipurúta pe Terminal de Buses oĩva Paraguaýpe

Arapokõindy Marangatúme heta yvypóra oho ambue távape ñane retã pukukuépe, ha ojeguerovia Estación de Buses oĩva Paraguaýpe año oipurúta hína 450.000 yvypóra domingo 24 guive domingo 31 peve. Umi ára ojeipuruvéta ikatu ha’e Martes, Miércoles ha Jueves Santo asajepyte peve.